Ki chipai ka 1st Bn ka BSF Meghalaya haka 23 tarik uni u bnai da yoh ki wow kem ya kawi ka kari Pick-up kawa kit yei chini wa da thmu wow chalan tooh cha Bangladesh heiwa hapoh kani ka kari da em 4 ngut kiwa kynthup ya 3 ngut ki nong India wa uwi u nong Bangladesh.
Ini toh iwa da jia ha thaaiñ Rongra ha khappood ka South Garo Hills waka Bangladesh heiwa ki chipai ka BSF deiwa yoo suba ya kani ka kari da pynsangeh ki ka wei da chem toh kawa kit chini wei da em kini ki 4 ngut hapoh.
Hawa kylli takit ya kini, ym ye ki wow e yei jubab wa biang wei kamjooh ym ye ki wow sai yaki kot ki sla wa biang yow pynyoo cheiwon kit ya kini ki mar.
Hadien wa pynman yei takit da chem wa uwi na kini toh u Mohammed Shamim uwa na Bangladesh uwa sah ha Gobindpur, Netrakona District ka Bangladesh katwa kiwi ki 3 ngut toh kiwa tip kam u Amorjit Hajong, u Engling Sangma wa u Ramakey R Mark kiwa waroh na South Garo Hills District.
Ya kini waroh da kem deilang wa ki mar wei da e kti cha ki pulit ka Rongra Police Station yow leh ki yeiwa emkaam.
Discussion about this post