Chah kem 4 tylli ki truck kit mooyong

by Wyrta Staff

March 4, 2016

Reading Time: 2 mins read

Jowai : Katkam ka khubor wada yoh na ki pulit da ong wa da kem ya ki soo tylli ki truck kit mooyong na kylleiñ ki thaw.

Iwi da jia i ha ka 2 tarik heipor kamwa 12:10 i sngi, heipor wa leh checking ki pulit ha thaw tih mooyong u ma Jerlan Talang na ka chnong Skhentalang.

Ha ka 1 tarik won heipor kamwa 5:30 i janmiet, ki pulit da kem ki ya ka truck wa em yow number ML-04-9860 wada yah da u Tei Dkhar kawa kit mooyong na Lad Sutnga EJH ha ka jooh hi ka sngi da kem leh ya ka truck wa em number AS-11BC-4498 wada yah da u Md. Abdul Ahmed wa kit mooyong na 3 Kilo, EJH.

Pyn ha ka jooh ka sngi heipor kamwa 5:30 i janmiet, da kem ya ka truck wa em ya u number AS-01BC-2474 wada yah da u Risuk Susngi kawa kit mooyong na Lad Sutnga EJH.