Jowai: Hei yatoh wa ka khubor wa chah slaitbor ka khynnah wa dang 16 snem kawa em i duna hei pyrkhat pyrdaiñ ha ka 19 u Wisu heiwa kiwa ha yung yong ka da ong ki wa da wiar ko na yung nadooh 6 waje i step wei da chem ya ka ha ka sngi wa bood heiwa da ong kiwa ha yung wa da chah slait bor ko ha ki 7 ngut ki bru.
Ki pulit hei yatoh wa ini da kem ki ya ki 7 ngut kiwa chah pynbad wa emkti heini i kaam wa tip kam u Kamai Chyrmang ya uwa tip leh kam u Jok (32 snem), u Kit Shadap (18 snem), Poisalan Lamurong (19 snem), waroh na ka chnong Mynthning village, EJH.
Chirup wa kini da kem leh ya uwi u khynnah uwa 12 snem i rta, ar ngut kiwa 16 snem wa uwi uwa 17 snem.
Ya waroh da pynngat ya ki hapoh ka aiñ POCSO-Section 6 wa ka IPC 376(G) wei da phah ya ki wa khian rta cha ka Juvenile Home katwa ya kiwa da heh rta (palat 18 snem) da kset ya ki (Judicial Custody).
Iwa phylla won wa ki Doctor da ong ki wa ym em chem ki i dak wa chah slaitbor kani ka kynthai.
Discussion about this post