Chah kem 7 ngut kiwa tooh thuh-thuk, 3 ngut kiwa na Amlarem

Ki pulit da yoh ki wow kem ya ki bru wa tooh thuk-thuk deilang wa ki thuk-thuk kiwa da chah tooh na kiwa boon ki bynta ka jylla Meghalaya.

Katkam wa pyntip ki pulit wa ha ka 15 tarik uni u bnai da yoh ujor ki pulit ka Mawngap Police Station wa kawi ka thuk-thuk Bajaj Pulsar RS 200 wa em Number ML-05-P-6045 da chah tooh ko na Umlympung, 12th Mile, Mylliem.

Kamtæ ki pulit da lai yang khap ki ya kani ka thuk-thuk wei da yoh kem ki ya 3 ngut ki bru kiwa na Amlarem wei ya kani ka thuk-thuk da chem nei chnong Padu. Deiwa takit ya kini, da kem leh ya 3 ngut ki bru na Pynursla.

Kini kiwa chah kem da phla ki leh yei em sa kawi ka Pulsar 150 ha Amlarem wa kawi won ka Pulsar 220 kawa da yoh wow lai kem na Pynursla wei kini toh ki wym pu em Number Plate wei kiwa da chah tooh ki na Amlarem wa Pynursla.

Related posts

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chooh chooh da pyntip wa ha ka 25 tarik da yoh sa ya kawi ka ujor ha Laban Police Station wa kawi ka Pulsar 150 CC kawa em Number ML 05-V-0993 da chah tooh ko na Lower Harisabha, Laban.

Ya kani won da chem na chnong Shallang wei da kem leh ya uwa tooh ka na kani hi ka chnong.

Kawi ka kari Alto 800 kawa em Number AS-01DH-2009 wa pynemkaam wow leh ya kini ki kaam da kem ka leh.

Kiwi de kiwa emkti ha ini i kaam da yut ki na ki pulit wei dang kdong ya ki.