Jowai: Hei yatoh wa i chah thok kawi ka bru hadooh T. 21 Lak kawa napoh ka jylla Meghalya ha uwi bru wa tipmit ko lyngba ka Facebook, ki pulit ka Cyber Crime Police Station, CID Headquater, Shillong hei ya krehlang wa ki pulit ka Delhi ynne ka sngi da yoh kem ki ya 7 ngut ki bru wa kynthup ya 2 ngut ki kynthai heiwa 6 ngut ki toh kiwa na Nigeria katwa kawi toh na Guinea.
Na kini ki bru da yoh ki pulit 50 tyllli ki ATM, 50 tylli ki SIM Card, 20 tylli ki mobile phone, wa 6 tylli ki Laptop wa 5 tylli ki pen-drive.
Kam wow pynkynmoo kani ka bru da chah thok ko heiwa da kam u lok Facebook yong ka wa sahkut u ha Airport ha Delhi wei emkaam ko u su ka bai Custom yow pyllait ki ya ki tiar wa rah sñiawbha u ya ka heiwa da su ko hadooh T. 21 Lak.
Ya kini ki bru daw wanrah ya ki cha Shillong yow pynman ya ka takit.
Yei phu u puræ heini ha wah yeiwa jia ya ka.
Also Read: Ki kaam chah thok ha ka juk wa katni lyngba ka Facebook
Discussion about this post