Phra ngut ki bru da chah kem ki ha Navsari District ka Gujarat hadien wa chah pynbaad ki wa slaitbor ki ya kawi ka khynnah wa dang 15 snem.
Ya kini da pynnagat hapoh ka aiñ POCSO deilang ki kyndon ka BNS.
Ini da jia i ha ka 7 tarik uni u bnai ha ka chnong Vansda heipor wa kani ka khynnah da mih ko cha lait yow lai paikhana heipor 10:30 i miet heiwa kini ki bru wa wan da ki thuk-thuk da rahbor ki ka.
Na kini kiwa chah kem da em leh uwi uwa hapoh 18 snem i rta wei kini ki bru hadien wa rahbor ya kani ka khynnah da kit ki ka cha kawi ka Check Dam wa em kamwa 3 Km na i chnong wa sah ko wei hadien da wan sa san ngut da ka kari.
Katkam wa ong kawa maad yeini, kini ki bru nyngkong da dawa ki na ka wow leh ko yeiwa kwah ki tangwa hadien wa kyntait ko da slaitbor ki ka deiwa ksoh leh ya ki kti ki kjat ko wei da maham ki wow pynyap ka lada khana ko ya kiwon kiwon yeiwa jia.
Kiwa ha-yung ha-sem kani ka khynnah da khana ki wa da lai thiah ki heipor 8:00 waje i miet wei manda khai u pa ko heipor 10:30 i miet da chem u wa ka khon u ym em ko ha thaw thiah. Kamtæ da mih ki wow lai thooh ka tangwa ym em chem ki ka kat hadooh i step ka 8 tarik heiwa da thiah ko hapoh ka kari wa booh ha pchem ka yung ki neidaw wa tieñ ware ko wow liwan chapoh yung.
Hadien wa khana ko yeiwa jia, ki pulit da lai kem ki ya ki phra ngut kiwa kynthup ya u Nikhil, u Piyush, u Uday, u Ravindra, u Akash, u Rahul, u Dharmeshbhai wa uwi uwa hapoh 18 snem.
https://twitter.com/HateDetectors/status/2010013765815713807?s=20
Discussion about this post