Chah kem ar ngut ki bru ka Art Of Living wa thmu wow yaklam wa ki heh ka HNLC ha Bangladesh

Jowai: Ki pulit yong ka West Jaiñtia Hills ynnin i janmiet hadien wa yoh yutip wa tikna, da hiar ki cha Dawki wow kem ya ki ar ngut ki bru kiwa thmu wow lai cha Sylhet, Bangladesh wow yaklam wa ki heh yong ka seiñ HNLC.

Kini ki ar ngut kynthup ki ya u Lamsalanki Pariat na Jowai uwa man leh kam u wa sikai yong ka Art of Living wa u Samir Jolly na Noida uwa man kam u International Faculty Member yong kani hi ka seiñ.

U SP ka WJH, u Vivek Syiem hei yaklam wa u Wyrta da ong u wa nyngkong kini ki ar ngut da ong ki wa i thmu wow lai cha Bangladesh toh wow yachem wa kiwa sikai yong ka Art of Living wei hadien wa takit bha ya ki da phla ki wa i thmu toh wow lai yaklam wa ki heh yong ka HNLC ha Sylhet, Bangladesh.

Da ong chooh chooh u wa kini ki ar ngut da yoh Visa ki wow lai cha kani ka ri wei i suba wow lai yaklam wa ki heh ka HNLC da tikna neidaw u Lamsalanki Pariat da yaklam wei da yalok u wa u Publicity Secretary ka HNLC lyngba ka Facebook.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya kini ki ar ngut da pynngat hapoh ka kyndon Section 10, 13 yong ka Unlawful Activities Prevention Act wei daw kset ya ki ar sngi wow takit chooh ya ki.

Heijooh i por u Syiem da ong u wa kini ki ar ngut ym em u yohbor namo ym em wa phah ya ki u lai yaklam wa ki heh ka HNLC wei da kam hieh ki wa i thmu toh wow yaklam wa ki heh kani ka seiñ wow wan pyndem noh ki.

Kini ki arngut da ong ki wa i thmu yong ki toh yei wa bha wow yaklam wa ki dkhot ka HNLC yow wan yasuk noh ki wa ka sorkar.