Chah kem ar ngut ki dkhot ka GNLA kiwa maham siat ya u SP

Jowai : Katkam ka khubor wa da yoh na ki pulit ka Baghmara Police Station, da kem ki ya ar ngut ki dkhot wa suba GNLA ynne ka 8 tarik.

Ya kini ki ar ngut da tip kam u Borgen Sangma uwa 38 snem na Bul Awe, Baghmara, SGH wa u Rankhu Momin, uwa 49 snem uwa na Bolsal Ading, Baghmara, SGH.

Kini ki ar ngut da emkti lang ki nadooh ka 20 Naichiphaw 2016 heiwa da sdang ki u phah message ha ki phone u SP ka South Garo Hills.

Da kam ki wa ksoh kaam ki toh kam u Foreign Secretary In-charge wa u Public Information Officer ka GNLA wei da kam ki wa da pait bha ki oo wei daw wan siat ki oo u SP pyn hayung u. Da khut ki oo u SP leh kam u ‘Bangal’.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kini ki bru da phah sms ki cha oo heiwa da dawa ki T. 50 Lak wei lym su u daw siat ki oo.

Ka mobile phone wa ka SIM card kiwa da thied kyrpang wow leh yeini i kaam da yoh na kini ki ar ngut wei da chemdien ya ki da ka IT Cell ka Baghmara Police.

Kini ki ar ngut da phla ki yeiwa da leh ki wei da khana ki leh ya ki pyrtuid ki bru wa emkti heini i kaam.