Jowai : Ynne i miet ka 3 tarik heipor kamwa 9:15 da yoh kem ya ar ngut ki khynroo kiwa tooh na iwi i yung na Ladthadlaboh wa em hajan ka District Labour Office (wa thymme).
Ya kini ki ar ngut da tip pyrtuid kam u Ebormiki Dann uwa 24 snem i rta u khon u M. Lyngdoh na Ladthadlaboh, wa u lok yong oo uwa da tip kam u John Nampui, uwa 22 snem i rta u khon ka Jubil Lalsim wa u M. Nampui wa chong wasah ha Ladthadlaboh.
Kini ki arngut da tooh wei da rong ki ya u nar ring na i yung ka kong R. Dann iwa em pyn hajan ka office u District Labour Officer, Ladthadlaboh, Jowai hadooh wa poi hajan ka lad surokbah.
Kini ki ar ngut da chah kem ki hadien wa da em ki tre yung kiwa sniaw wa em wa ku chajrong yung heiwa da yamih ki wei da ksoh noh ya kini ki ar ngut kiwa thmu u rah ya uni u nar ring uwa khia (antad) kamwa 20 kilo.
Kini ki ar ngut hei klam wa u WYRTA da ong ki wa ym em thmu ki u tooh ya kini ki nar neibhah mut ki u chna watur ya oo. Heijooh i por ka tre yung da ong ko wa ka nar grill wa ban ya uni u nar ring ym em de u chong ko heijooh i thaw wei yoo lakam wa da em wa kyrriah ya kani ka nar grill.
Hadien ini da wan ki bor pulit na ka Jowai Police Station wei da kit ya kini ki ar ngut wei da yah wow leh Medical Examination ya ki.
Discussion about this post