Jowai : Ki pulit ka Jowai Police Station da pyntip ki wa da yoh ki ya ka ujor ha ka 2 tarik na uwi u bru wa tip kam u ma Kerlang Lyngdoh.
Ha ka ujor u ma Kerlang da ong u wa ha ka 2 tarik uni u bnai heipor kamwa 4 waje i janmiet da chah dat u diah u, u Damehiwot Lyngdoh ha ki ar ngut ki bru wei kamjooh da maham ki leh ya u ma joor ki ya u Damehiwot.
Ini da jia i ha Damser, Treiongriang, heipor wa dang lai khwe u Damehiwot wa u lok u wei ya kiwa dat ya oo da tip kam u Rivelmi Paslein wa u Chiborlang Sutnga pyn ar kini toh kiwa na Khimmusniang.
Ha ini i jia u ma Damehiwot da mynsoo joor u na khlieh wei yeidaw wa chah dat u ym pu em che bha hadooh katni.
Ki pulit da pynngat ki ya kini ki ar ngut hapoh ki kyndon 164(7)16 U/s 341/325/506/34 IPC.
Heijooh i por ki pulit da pyntip ki wa da kem ki ya u Rivelmi Paslein katwa ya u Chiborlang Sutnga won da pyllait katkam ka Notice u/s 41(A) CrPC (iwa mut wow phah wan hajir wei wow takit chooh chooh ya oo).
Discussion about this post