Ar ngut kiwa kreh sorkar Assam da chah kem ya ki ha ki pulit hadien wa chem wa baam tangka ki iwa da jia ha Cachar wa Kamrup District ynnin ka sngi.
Ha Lakhipur, Cachar; u Forest Range Officer uwa tip kam u Debabrata Gogoi da chah kem u heipor wa baam tangka u wei da yut u mar ya yoo u ya ki bru ka Directorate of Vigilance & Anti-Corruption heiwa da kdong ya oo 1 Km wei da yoh leh ya ka poisa wa chim u.
U Special Director General of Police (Law & Order) da ong u wa kiwa baam-tooh ym ye ki wow yut wei u pteiñ yeini u pyndooh jait yeini i jait kaam.
Ha iwi wa jia, ki bru ka Directorate da kem ki sa ya uwi u bru wa tip kam u Madan Nath uwa kreh hapoh ka Nagarbera Revenue Circle hapoh ka Kamrup District wei da kem ya oo mar ya chim u ya ka poisa heiwa da yang chwa ki bru ka Directorate.
