Chah kem ar ngut kiwa ksohbor ya ka khynnah hapoh Truck

Jowai : Katkam ka yutip wa da yoh na ki pulit da ong wa da yoh ya kawi ka ujor (FIR) wa cha ksoh bor ka khynnah na Phramer.

Ha kani ka ujor na ka bei kani ka khynnah da kam wa ha ka miet yong ka 28 tarik u Naiynñiaw (July) heipor 10 waje ar ngut ki bru wa tip kam u Sahil Wani (23) wa u Manpreet (30) na Rajouri District ka jylla Jammu & Kashmir, da rahbor ki ya kawi ka khynnah Pnar wa dang 15 i rta na Phramer.

Hadien ini kini ki ar ngut da ksohbor ki ka hapoh ka truck kawa lai (running truck), tangwa da yoh laad ko u yut wei da pyntip ko cha ki paidbah yei wa jia wei da yoh ki paidbah won u kem ya kani ki arngut wei hadien ini da e kti ya ki cha ki pulit.

Ki pulit dang takit ki ya ini iwa jia waroh.