Ynne katkam wa pyntip da ki pulit ka West Jaiñtia Hills District da sdang ki wow thooh kynreh ya ki bru wa suba dai drugs ha Jowai.
Manda phah ya ki pulit wa kyrpang (Special Team) heipor kamwa 3:00 waje noh chariñ ka sngi da ksoh ya ar ngut ki bru wa tip kam u Romeo Bareh wa u Hadin Da U Timung.
Ya kini ki ar ngut da ksoh ha Iawmusiang mar pyrchah ka ATM ka HDFC wa em ha chrooh ka Gate ka yung krehkaam u DC.
Manda kynreh ya ki da chem 21 tylli ki thyrnia wa uwi u klong khian (Vile).
Manda sylli ya iwa em ha u klong da chem wa em i Heroin wa khia 1.41 gram.
Ya kini ki ar ngut da kem deiwa pynngat ya ki hapoh ki kyndon aiñ wei i takit dang man iwa lai chaphrang.
