Jowai: Ha ka sngi nyngkong uni u bnai ki pulit hadien wa yoh yutip wa tikna ki, heipor 3:30 i janmiet da yang khap ki ha iwi i thaw wa tip kam Rajabala, West Garo Hills wei da yoh kem ki ya ki arngut u Abdul Kalam wa u Salseng Ch Sangma. Na kini ki arngut da yoh kem ya 66 tylli ki kot poisa T. 2000 kiwa chna thok.
Kini ki arngut toh kiwa wan na Rajabala wei da lai ki cha Balachanda da ka thuk thuk wa em number ML-08-8913.
Ki pulit ka Ummulong Beat House won da pyntip ki wa u Richmond Dkhar ha ka FIR wa da booh u da ong wa ha ka 30.04.2017 heipor 8 waje i miet heipor wa lai u cha Mukhla lyngba ka sarok Jowai Bypass da em ki bru wa dat moo ya ki kari wa lai na ka sarok wei da em leh kawi ka truck wa da toh mo ko.
Da pyntip wa kani ym toh ka sien nyngkong wa jia kamni.
Ki pulit ka Ummulong Beat House da pyntip ki wa u Jayanta Roy uwa kreh waka North Bengal Floritech, Thadlaskein Campus, Horti Farm ha ka 28 tarik u bnai wa da dep heipor 5:30 i janmiet 6 ngut ki bru wa yah khmat da u Augustine Sumer ka chnong Ladmukhla wa u Philemon Suna na Mukhla da psiah ki cha thaw kreh wei kini toh kiwa da muaid wei da dat da choh ki oo.
Ki pulit ka Ummulong Beat House biang da pyntip ki wa kawi ka manbei na chnong Mukhla Shohshrieh da ujor FIR ko wa ha ka sngi nyngkong uni u bnai heipor 8:30 i miet u pyrsa kurim ko u Poibiang Synnah uwa na ka chnong Khanduli da pynawri u ha i yung ka khon ko.
Hadien wa sñiaw ko yei kiad ki ksu yong ka, ka wa u khon ko da psiah ki cha poh ini i yung, u Poibiang won da sdang u dat oo u khon ko wei da dat u oo da u dieñ thlieh na khlieh hadooh wa da mynsoo u.
Ini ym toh i sien nyngkong wa u Poibiang da leh u yeini. Ki pulit da kem ki ya u Poibaing wei da rah ya oo cha yungbichaar.
Discussion about this post