Chah kem biang u Karlick Siangshai wa thok yarap thap kaam pulit

Jowai : Uwi u bru ya uwa da tip kam u Karlick Siangshai uwa na Khanduli da chah kem biang u ynne ka sngi ha ki pulit ka Jowai Police Station.

Ya u Karlick da ksoh da ki kattu katni ngut ki bru kiwa da thok u wow yarap thap kaam Batallion wa kam ki SWAT. Kini ki bru da kem ki ko na Iawmusiang hadien wa em wa pyntip cha ki wa em u ha Jowai, wei hadien wa kem ki oo da ong u ya ki wow lai yaklam hajan ka Thomas Jones Synod College.

Hadien wa poi ha ini i thaw, u Karlick da pyn-eh u ki wei dei wym yohsa da patah ya oo cha Jowai Police Station, ya u Karlick da kem chwa ya oo ha Nongthymmai hei yatoh wa i jooh i kaam wei da pyllait ya oo hadien wa kular u wow su ya ka poisa wa da chim u na kini ki bru.

Waroh kiwa da chah thok ha u Karlick em ki kamwa 7-8 ngut wei waroh kini toh kiwa na ka chnong Namdong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Na uwi pa uwi kini ki bru da chim chwa u T. 35,000 ka advance, T. 3,000 ka bai uniform, T. 1,000 ka bai Admit Card wei da pynlut ki kamwa T. 3,000 tam neibynta wow leh ya ki ST Cetificate, ki Birth Certificate wa kiwi kiwi ki kot wa emkaam ki.

Kini kiwa da chah thok ha oo kynthup ki ya u Rimiki War, u Marbiang War, u Da-o-wanhi War, u Lukas Ksoo wa kiwi kiwi.

U Karlick ong u wa da dep chim u waroh la kamwa T. 2 Lak na kiwa chah thok ha oo.

Neiliang ki pulit dang takit wei dang leh ki yeiwa emkaam hadooh katni.