Ki pulit ka Kerala ynne da kem ki ya ka kynthai kawa tip kam ka Shimjitha Mustafa heiyatoh wa pynkut u U. Deepak yei mynsien u ha yung wa sah u ha Govindapuram, Kozhikode.
Ki pulit da kem ki ya kani ka kynthai kawa da yut hadien wa booh FIR kiwa ha-yung ha-sem uwa yap wei da chem ya ka na i yung kiwa emyatoh ko ha Vadakara. Hadien wa pyndep ya ka Medical Examination ha Koyilandy Taluk Hospital, Shimjitha da lai yah ka ha ka yung bichaar u First Class Magistrate Court ha Kunnamangalam heiwa da phah wow kset ka 14 sngi ha Manjeri Women’s Jail.
Ini i yoh kem ka toh hadien boon sngi wa thooh ya ka dei thmu leh wow khanglaad nei yut ko napoh ka ri.
Kam wow pynkynmoo wa ka Shimjitha da pynbaad ko ya u Deepak wa tba khlem akor u ka hapoh kawi ka Bus heiwa da riñ Video ko yeini wei manda poor ini i Video deiwa yoo da ki lak ngut ki bru, neiliang u Deepak da pynkut u yei mynsien ha yung wa sah u.
Yei Video da riñ ha ka 16 tarik uni u bnai hapoh ka Bus wei da booh yeini i Video ha ki rynsan Social Media.
Hadien wa da joor poor ini i Video, u Deepak da pynkut u yei mynsien heiwa da chem ya oo ha kamra wa u sah hei step ka 18 tarik ha yung u wa em ha Govindapuram.
Ki pulit da pynlum pynlang ki ya ka CCTV wa em hapoh kani ka Bus yow nujor wa iwa riñ kani ka bru heiwa da chem wa iwa pynmih pyrthai ko toh iwa tbian iwa dadep wow Edit wei dang yaleh yow yoh ya ini i Video waroh.
Discussion about this post