Hadien wa da yoh chiboon ki ujor na kiwa chong chnong wa em ki kynthai wa lai miet wa leh ki kaam awria ha kiwa boon ki thaw ha Shillong deilang hajan ki thaw maneblai wei deiwa sñiawkhia leh yei boon kiwa yoh HIV hapoh ka nongbah.
Kamtæ hei miet ka 28 tarik, ki pulit wa kynthup deilang ki pulit kynthai da lai hiar ki cha ka thaw kawa nadooh Khyndailad-Pegasus Hotel-Presbyterian English Service Church, neitæ mar pyrchah ka yung krehkaam ka MBOSE, Lachumiere wa ha IGP Point heiwa da chem ya kiwa boon kini ki kynthai deilang kiwa pynyoh bru ya ki namo ki Pimp.
Yeini i lai kem da yahkhmat da u Ivan Diengdoh, MPS Add SP (Ops), deiwa emlang ka Joyti Wahlang, MPS DYSP WCC, OC Sadar PS Shillong, ka O/C Women PS, u OC Laitumkrah deilang wa kiwi de ki sahep pulit ka East Khasi Hills.
Waroh da yoh wow kem 16 ngut na kini ki thaw heiwa 4 ngut toh kiwa man kam ki Pimp/Agent yow yarap ya kini ki kynthai hei kaam yong ki.
Da kem leh kawi ka kari Swift Dzire wa ar tylli ki Scooty wa da pynemkaam wow leh yeini.
Ya ka Case da Register ha Sadar PS deiwa pynngat hapoh ki kyndon 4/5/7/8 ka I.T.P.A deilang ka Section 110 Meghalaya Police Act.
Kini ki kynthai heipor wa chah kem da kiad wei yaleh pyrchah ki deiwa ong wym toh u tba ki tangwa ki pulit da rah da taan ki ki.
Discussion about this post