Ar ngut ki kynthai Nigeria da chah kem ki deiwa chem palat 37 kg i drugs wa kit ki iwa chongdor Rs. 75 klur ha Bengaluru Airport iwa man leh iwa heh dooh i kem drugs ha Karnataka, da pyntip ki pulit ynne.
Kini ki kynthai toh kiwa tip kam ka Bamba Fanta (31 snem) wa ka Abigail Adonis (30 snem), da chah kem ki hadien wa wan ki na Delhi deiwa rahlang i drugs MDMA hapoh ki muna ki, da pyntip u Mangaluru Police Commissioner, u Anupam Agrawal.
Na kini da yoh leh soo tylli ki Mobile Phone, ki Passport wa Rs. 18,000 ka poisa.
Kini toh kiwa sah ha Delhi wei da khayi ki yeini i MDMA ha kylleiñ ka India wei da pynemkaam ki da ki lieñsuiñ wow kit yei drugs wei dadep ki wow lai la 37 sien cha Mumbai wa 22 sien cha Bengaluru du ha u snem wa dep.
Ka Fanta da wan ko cha India ha u snem 2020 da ka Business Visa katwa ka Adonis won da em ko hapoh ka ri nadooh u snem 2016. Wei da leh ki yeini i kaam khayi drugs kattu la ar snem, da pyntip u heh pulit.
Chooh chooh da pyntip u wa ya kini da chemdien hadien wa yoh kem ya uwi 6 bnai chwa uwa tip kam u Haider Ali uwa na Mangaluru deilang wa 15 grams i MDMA.
Kamtæ hawa takit da yoh wow kem ya uwi uwa na Nigeria uwa tip kam u Peter na Bengaluru deilang 6 kg i MDMA.
Discussion about this post