Chah kem ki ar ngut ki Sister hadien wa ujor ka Bajrang Dal, dawa u Hek wow pynlait ki

U MLA ka BJP na Pynthorumkhrah uwa man u Montri ha ka sorkar Meghalaya, u Alexander Laloo Hek da thoh u cha u Montri Rangbah ka Chattisgarh, u Vishnu Deo Sai yow kyntu ya oo wow tuklar smat yow pynlait noh ya ki ar ngut ki Nun Catholic (Sister) kiwa da chah kem ha ka 25 tarik uni u bnai ha Durg Railway Station.

U Hek da phah u dei thoh cha u Montri Rangbah ka Chattisgarh wow kyrpaad wow pynlait noh ya kini ki Sister wei wow takit bniah hajrong ini i kaam.

Ha ka chithi, u Hek da kdaw u leh wa katkam wa tip u wa ki Balang ym jooh pynkylla niam yabor ki ya kiwon kiwon tangwa da chakri ki neibynta ki para bru.

Kini Nun kiwa na Kerala wa em hapoh ka Assisi Sisters of Mary Immaculate da chah kem ki deilang wa uwi u khynroo heipor wa emlang ki wa 3 ngut ki kynthai heiwa da chah pynbaad ki wa rahbor ki ya kini ki bru dei thmu wow pynkylla niam ki wei ya ka ujor FIR da booh da ka Bajrang Dal.

Related posts

Yap 8 ngut wei mynsoo 14 ngut hadien wa yatyrrah ka rel wa kit bru wa kawa kit mar

November 4, 2025

Phah ka Committee ka High Court wow tympra ya ki 33 tylli ki karkhana Coke hapoh ka jylla

November 4, 2025

Neiliang kiwa ha-yung ha-sem kini ki Sister da ong ki wa kini ki kynthai wa yah ki toh kiwa da man Christan chwa.

Kini ki kynthai da thmu wow lai yah ki cha ka Convent wa em ha Agra yow lai kreh ki ha ka thaw chet deiwa su tulop ya ki wei man ki kiwa da tam 18 snem i rta.