Chah kem ki ar ngut kiwa dai bhang na Iawmusiang

Jowai : Ynne ka janmiet heipor kamwa 4 waje ki pulit ka Jowai Police Station da kem ki ya ki ar ngut ki bru kiwa emkti hei dai ya u bhang.

Ya kini ki ar ngut da kem na iwi i dukan ah sniooh wa em mar pyrchah ya ka dukan Seiñraij Shopping Complex (Hajan ka office u DC) Iawmusiang.

Kini ki ar ngut da tip kam u Roney Pariat na Loomyongkjam, Jowai katwa u Hartik Singh toh uwa na Karbi Anglong, u Hartik toh u tre i dukan ah sniooh katwa u Roney won chong dukan dai tim u.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hei yaklam u Wyrta wa kini ki ar ngut neiliang u Hartik da kyntait u wa emkti u heini i kaam wei da kynnoh u wa em ar-le ngut kiwa wan booh yeini i mar ha dukan u.

Katwa u Roney da ong u wa da em ki bru wa pynbudnaam ya oo, weiwa dang nachwa jooh dai u yowni u mar tangwa katni ym em de u dai u.

Hei yatoh wa ini ki pulit dang takit ki ya kini ki ar ngut yow sam chem tre ya kiwi kiwa emkti heini i kaam.