Chah kem ki damok, da yoh leh ya ki suloi, ki tiar tympdung wa kiwi kiwi na ki ar thaw

Shillong: Ka 31 Assam Rifles ka 10 Sector Assam Rifles kawa em hapoh ka HQ IGAR (South) ynnin ka 28 tarik da yoh kem ki ya le tylli ki suloi wa 300 tylli ki kuli na ki dkhot ka NSCN (IM) ha Kamjong District, Manipur.

Hadien wa ki Assam Rifles da yoh yutip ki wa em ki dkhot ka NSCN (IM) wa lai luti ki deiwa rah ki suloi kiwa da suba wa dang dep yoh ki ya ki suloi na Mynamar da yang khap ya kini ki dkhot ka NSCN (IM).

Manda yoh u kem ya kini ki suloi da chem wa thmu wow pynpoi ya ki cha ka chnong Ukhrul kiwa kynthup ya ki AK Series wa ki SIG Rifle.

Ha iwi tawan i jia ha ka miet yong ka 27 tarik hadien wa yoh yutip wa tikna ki pulit ka Chiading PS (EGH) wa em ki damok ha i yung yong u Jabath Ch Marak wa Saljrang M Sangma ha Rongchek Chambugong, Chiading PS (EGH), ki pulit da kynreh ki ya ini i yung.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ini i kynreh da kem ya soo ngut wa kynthup ya u khynnah 15 snem i rta wei da yoh ki ar ngut u yut na ini i yung.

Ya kini kiwa chah kem da tip kam u (1) John T Sangma (18 snem), (2) Jereanjeangku A Sangma (20 snem), (3) Simple M Sangma (20 snem) kiwa yoh u yut da tip kam u Jabath Ch Marak wa u Saljrang M Sangma.

Ha ini i kynreh da chem ya ki pistol wa chna hi chirup wa ki kuli, le tylli ki detonator, u gelatin stick, ki fuse wa 15 inch, ka suloi SBML wa le tylli ki mobile phone.