Ha i jia wa tyrrah uwi u khynnah wa 17 snem uwa da muaid ya ki ar ngut da ka kari Porsche hadooh wa yap ki iwa da jia ha sorbah Pune, da mih pyrthai ki kaam wa phylla wa har rukom.
Ha kani ka kynti ar ngut ki Doctor deilang wa u Peon da chah kem ki hadien wa noh ki yei snaam wa da chim na uni u khynnah wei da kylliang ki da iwi tawon i snaam.
Ini i snaam toh iwa da chim ha ka 19 tarik uni u bnai ha ka sngi wa jia ini iwa da leh ha Sasoon Hospital, wei kini ki Doctor wa noh ya ini i snaam toh kiwa kreh ha kani hi ka Hospital wei da chemdien yeini hadien wa leh ya ka Forensic Test ya ini i snaam heiwa da chem ymtoh yong uni u khynnah deiwa leh won sa ka DNA Test.
Kini ki ar ngut ki Doctor toh u Dr. Ajay Tawade wa u Dr. Hari Harnor, kiwa hadien wa noh yei snaam da phah won ki dei snaam yong uwi won u bru cha ka Forensic Lab wei hawa takit ki pulit ya kini ki Doctor da chem wa da leh yeini wow kylliang noh yei snam da u Dr. Halnor hei phah u Dr. Tawade uwa man leh kam u HOD ka Fosensic Medicine Department ka Sassoon Hospital.
Ki pulit hadien wa kem ki ya ki Phone yong kini ki Doctor, da chem ki wa u Dr. Tawade ha katai ka sngi wa jia, da yaklam u wa u pa uni u khynnah.
Ki pulit da pyntip ki wa i snaam wa da Test nyngkong toh iwa da chem wa em kiad katwa iwa Test wa ar won ym em, kamtæ manda Test biang da chem wa i snaam toh yong uwi won u bru.
Ha ka sngi wa jia, da chim snaam na uni u khynnah ar sien kam ka laad wow yada na i jia iyi iyi ya iwi na ini i snaam.
Kam wow pynkynmoo wa u pa uni u khynnah toh uwa heh spah wei da yoh ki pulit wow kem oo hadien wa yut u cha boon tylli ki chnong.
Discussion about this post