Ha ka 8 tarik uni u bnai hadien wa ki pulit da tip tikna ki wa daw em le ngut kiwa dai drugs kiwa na Nongstoin kiwa da lai thied drugs na Assam wei daw liwan ki cha Nongstoin lyngba u sarok Langpih-Nongstoin.
Kamtæ neiliang ki ANTF da yang khap ki ya kini ki bru ha chnong Nonglang wei da wan ki da kawi ka kari wa em Number ML-06A-1450 wei da em hapoh u Bryan Kharbani (29 snem), u Donkerry Ryntathiang (25 snem) kiwa na New Nongstoin wa u Morningstar L. Rngaid (31 snem) uwa na chnong Mawkhmahwir.
Na kini da yoh wow kem 15 gram i Heroin wa kiwi de kam ki thyrnia, ki tadong booh drugs, Mobile Phone wa ka poisa.
Hawa kynreh chooh chooh ya kani ka kari wa yah da u Kostarlin Iawphniaw (28 snem) uwa na chnong Mawlai Syiem, Eastern West Khasi Hills District da chem 130 gram u bhang.
Ya kini da rah cha Nongstoin Police Station wei da pynngat ki hapoh ka aiñ NDPS wei ka takit dang lai ko chakhmat.
Discussion about this post