Ha ka 15 tarik uni u bnai heipor 4:50 i step, ki pulit ka Sadar Police Station hawa dang lai leh Patrolling da chem ki ya le ngut ki bru kiwa wan da kawi ka kari kamai (Maruti Swift) wa em Number ML-04C-7163 kiwa da lai cha Keating Road, Shillong heiwa da pyrchang ki wow tooh ya kawi ka Scooty wa em ya u Number ML-05AC-8352 deiwa ah ya u Ignition Wire.
Uwi na kini uwa tip kam u Ribellang Phyllei (25 snem) uwa chong chnong ka Biar, Laskein Block, WJH da yoh wow kem oo katwa kiwi ki ar ngut da yoh ki wow yut deiwa chimkabu yei doom.
Ya kiwi ki ar ngut won da yoh wow kem ki na Checkpoint wa da booh ha Mawryngkneng wei kini da tip kam u Empyrkhat Dhar (21 snem) uwa na Saphai, WJH wa u Steven Syngkon (19 snem) uwa na Iaw Thymme, WJH wei kini da yut ki cheiliang ka West Jaiñtia Hills.
Na kini da yoh wow kem ar tylli ki Helmet, ar tylli ki klong Plastic wa em Petrol hapoh, ar jur ki Screwdriver, ki Spanner wa boon jait, kawi ka Allen Wrench, uwi u chabi T- Hand Hex, uwi u chabi T- Handle Torx, ka poisa wa Rs. 6100 wa le tylli ki Mobile Phone.
Ya kini da pynngat ha ki kyndon 05(b)/324(4)/111(2)(b)/3(5) ka BNS wei da Register Case pyrchah ya ki.
Ki pulit da pyntip ki leh wa da suba wa kini toh kiwa ye u emkti ha kiwi ki kaam tooh thuk-thuk wa joor bha katni.
Discussion about this post