Ha kini ki sngi da mih i Video wa pynyoo ya kawi ka tymmen wa yaam piah nood ko hadien wa chah pam u dieñ wa thung wei sumaar ko palat 20 snem nachwa wei ini da jia i ha Rajnandgaon District ka Chhattisgarh iwa da pynchrai ya ki paidbah ka chnong.
I Video da pynyoo i ya kani ka tymmen wa yaam ko ha tre u dieñ wa dang chah pam wot ya uwa da sumaar kani ka tymmen lakam u khon deiwa e um ya oo man ka sngi wei da ngooh da em wei man u kam chibynta i lehniam ko.
Ki tre chnong da chrai ki yeini i chah pam u dieñ hei phah uwi u heh spah wa tip kam u Imran Memon. Uni u dieñ da yieñ u ha i thaw sorkar wei da mane ya oo da ki paidbah tangwa u Imran da soohbuit u wa u Prakash Kosare wow pam ya oo.
Neiliang u Suresh Kumar Tiwari wa u Sanjay Singh da lai ki wow ujor cha Khairagarh Police Station wow dawa pynchitom ya kiwa emkti.
Da ujor ya ka FIR da u Pramod Patel, heiwa da Register ya ka hapoh ka Crime No. 464/2025 hapoh ka Section 298 wa 3(5).
Hawa takit u Imran da phla u wa da pam ya uni u dieñ hajan i thaw wa thied u neibhah wa kwah u wow pynmadan yei thaw kamtæ da paan yarap u na u Prakash uwa da rah da ka kor ah dieñ wow pam ya u dieñ dei miet.
Hadien ini, kini ki ar ngut da yut ki cha Khairagarh wei da noh ki ya ka kor ah dieñ ha kawi ka wah wei ya ka Scooter u Imran leh da kem wei da pynngat ya ki ar ngut hapoh ka Section 238 ka Criminal Procedure Code wa ka Defacement of Public Property Act.
Neiliang ki paidbah ka chnong da thung ki da uwi u dieñ ha ini i thaw deiwa kular wow sumaar ya oo wei kani ka tymmen toh kawa nyngkong dooh wow e um ya uni u tre dieñ.
Discussion about this post