Chah kem kiwa rahbor ya uwi u bru deiwa dawa Rs. 50 lak

U SP ka South Garo Hills da pyntip u wa ha ka 20 tarik uni u bnai, da pyntip cha ki pulit ka Siju Police Station wa uwi u bru wa tip kam u Akhilesh Singh Chauhan da chah rahbor naka yung krehkaam ka Company wa pynkreh sarok wa em ha yingkieñ Rongdik, Karukol.

Neiliang ki pulit da sdang ki wow thooh ya uni u bru ha ki kattu katni ki thaw hapoh ka District heiwa ha ka sngi wa bood kini ki bru wa rahbor da dawa poisa ki Rs. 50 lak na kiwa ha-yung uni u bru wa na u Manager ka Company deiwa ong wow su ya kani ka poisa hapoh 3 sngi lym kamtæ daw pynyap ki ya u Akhilesh.

Hei takit ki pulit da chemdien ki wa em 4 ngut ki bru wa emkti wow rahbor ya uni u bru, kitæ u Wilban M Sangma, u Withmil S Marak, u Lathin M. Sangma wa u Rongsrang M Sangma kiwa waroh na South Garo Hills.

Kamtæ haka 22 tarik uni u bnai hei janmiet da lai pynman yei thooh ya kini ki bru ha i chnong wa tip kam i Upper Dosogre wei da ye wow chem wei wow pynlait ya uni uwa chah rahbor wei da kem ya ki arngut kiwa rahbor kitæ u Wilban wa u Withmil.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Da chem leh ya kawi ka suloi wa da chna hi deilang wa ar tylli ki Mobile Phone na kini ki bru.

U SP da pyntip u leh wa waroh kini ki bru wa emkti heini i rahbor toh kiwa jooh kreh wa ki seiñ kieñ suloi hapoh South Garo Hills.