Ki pulit ka Ri-Bhoi hadien wa tip ki deiwa tikna wa em ki Bangladeshi kiwa wan neiliang Dawki yow lai cha Guwahati da kawi ka kari, neiliang ki pulit da booh thaw pynsangeh kari ki hajan ka Byrnihat OP ha ka 18-03-25.
Heipor kamwa 4:10 i janmiet da yoh wow kem ya kawi ka kari wa em Number AS-01-FJ-4645 wei da em hapoh ka Jannati Sheikh (26 snem) kawa na Khulna, Bangladesh kawa em leh ya u Aadhaar Card wa chna thok wei waka da emlang ko wa uwa yah kari uwa tip kam u Raushan Khan uwa na Rangapani, Barpeta, Assam.
Hawa takit ya ki da phla ki wa ki toh kiwa emkti wow chalan bru na Bangladesh cha India kamjooh na India cha Bangladesh deiwa chim poisa khlem da em ki kot ki sla wa biang.
Ya kini da pynngat hapoh ki kyndon ka 61(2)/319(2)/336(3)/340(2)/143(2)/152/212(a) ka BNS deilang ka Section 14(c)/14A(b)/14C ka aiñ Foreigners Act 1946.
Hawa takit ya kini da pynmih ki yei pyrtuid u Balajied Khongsun (27 snem) uwa na Wahlyngkhat, Pynursla, East Khasi Hills District wei da lai kem ya oo ha ka 19 tarik.
Discussion about this post