Jowai : Ynne ka sngi ki pulit na ka Jowai Police Station da kem ki ya ki le ngut kiwa sah ha Wahgate, Iawmusiang kiwa da kynnoh wa tooh beer ki hadooh 59 case.
Ya kini ki le ngut da tip kam u Phrangki Dkhar, u Balwinder Singh wa uwi u khynnah uwa hapoh 18 snem i rta.
Ya kini ki beer Asia 72 da tooh ki na ka truck wa pynhaap beer ha ka KK Bonded Warehouse, Iawmusiang (wa em hajan ka Stand Sumo Shillong) ha ka 2 Naisaphra.
Hadien wa da tooh ki ya kini ki klong beer da sai ya ki napoh synduk wei da murieh ya ki hapoh ka liar, kawa da tymmoh slep kawa em hajan ka stand sumo kawa man leh kam ka thaw lai kjat.
Kini kiwa tooh da murieh ki yeini i beer heini deiwa psiah na iwi i thaw wa em mar pyrchah i thaw chna chaka kari wei da sai won ya ki na iwi i thlu wa em ha chrooh ini thaw lai kjet.
Hadien wa da yoh khubor wa tikna, wei wa yoo ki bru wa sai churia wa dap kini ki le ngut napoh kani ka liar kawa da kit leh kam ki klong hapoh ka churia da pyntip kiwa sakhi cha ki pulit.
Ynne ka sngi heipor kamwa 12:30 ki pulit da lai ki cheini i thaw wei da haap ki u tympiah ya ka slep yow ye u sai ya ki klong beer waroh.
Manda dep sai da yoh sadu 25 case hi-eh i beer, wei da suba leh wa kini ki le ngut da dai tooh ki yeini i beer.
Discussion about this post