Chah kem nadooh ka YouTuber hadooh u heh spah kiwa yarap ya ka Pakistan

Chiphaw ngut ki bru da chah kem ki ha ka sorkar kiwa na Haryana, Punjab wa Uttar Pradesh kiwa da suba toh kiwa da ya krehlang wei yatohlok wa ka Pakistan.

Jyoti Malhotra

Ka Jyoti Malhotra kawa man kam ka Travel Vlogger kawa em ya uwi u YouTube Channel wa tip kam u ‘Travel with JO’ kawa na Hisar, Haryana da chah kem ko hadien wa da khana ko chaphang ki chipai India cha kiwa na Pakistan. Ka Jyoti kawa 33 snem i rta da yachem ko wa u heh ka Pakistan High Commission wei da lai ko leh cha Pakistan la ar sien, da pyntip ki pulit. Wei da ong ki leh wa kiwa na Pakistan da pyrchang ki wow pynman ka kam ka bru yong ki wow kreh ha India.

Davendra Singh Dhillon

Related posts

Lai pynyoo ka JSU yei kyrchaan ya ka Prof. Sherwin May Sungoh

May 24, 2025

Mih i pyrchah yei thmu pynman smat ya ka SSLC Exam na iwa jooh

May 24, 2025

U Davendra Singh Dhillon (25 snem) toh uwa lai puræ Political Science ha Khalsa College, Patiala. Ha ka 12 tarik uni u bnai da chah kem u ha Kaithal, Haryana hadien wa booh dur u wa ksoh Pistol wa ka suloi ha Facebook. Hawa takit ya uni da chem toh uwa da wan na Pakistan wei da yachem u wa ki sahep ka Inter-Services Intelligence (ISI) kawa man ka Spy Agency heiwa da e u cha ki yei dur i thaw ki chipai wa em ha Patiala.

Nauman Ilahi

U Nauman Ilahi (24 snem) uwa kreh kam u Security Guard ha Haryana, da chah kem u na Panipat hadien wa em wa pyntip wa tipmit u wa u dkhot ka ISI ha Pakistan. Da chem leh wa jooh yoh poisa u na Pakistan ha ka Bank Account u Kong u deiwa khana chapang ka India.

Shahzad Wahab

U Shahzad Wahab toh u heh spah uwa na Rampur, Uttar Pradesh uwa da chah kem na Moradabad da ki pulit ka Special Task Force (STF) hadien wa uni leh da khana u ya iwa boon chaphang ka India cha ki bru ka Pakistan wei da lai u leh cha Pakistan da boonsien yow khayi tooh leh ya ki dawai biah khmat, ki that ki nep wa ki musli musla.

Arman

U Arman (23 snem) da chah kem u na Nuh, Haryana hadien wa ki pulit da chem ki wa uni leh da tipmit u wa kiwa na Pakistan wei da e khubor u cha ki heipor wa joor bha i kynaad hapyrdi ki ar ri. Ki pulit da ong ki wa em ki ka sabut wow pynsakhiat yeini.

Mohammad Murtaza Ali

U Mohammad Murtaza Ali da chah kem u ha ki pulit na Jalandhar hadien wa tip wa kreh u ya ka ISI ka Pakistan deiw pynemkaam ya ka Mobile App wa chna u da oo hi. Da chem leh na oo ya soo tylli ki Mobile Phone wa le tylli ki SIM Card.

Ka Gazala wa u Yamin Mohammad

Ya u Gazala wa u Yamin Mohammad da kem na Punjab heiwa da chem wa hadien wa kem ya ka Travel Vlogger, ka Jyoti Malhotra, neiliang ka Pakistan da sdang ko wow chim kabu ya kini ki wa man kam ki Influencers deiwa su poisa ya ki yow leh ki ya ka kaam wa man pyrchah ya ka India.

Da em leh kiwi ki ar ngut na Punjab kiwa da chah kem kiwa tip kam u Sukhpreet Singh wa u Karanbir Singh kiwa da khana cha ka ISI ka Pakistan yei lai i wan ki chipai wei heiwon em ki ha Punjab, Himachal Pradesh wa Jammu & Kashmir.