Chah kem u Area Commander ka NSCN-KYA hadien wa yasiat wa ki Assam Rifles

Uwi u Area Commander ka NSCN-KYA da yoh kem ya oo hadien i yasiat wa ki Assam Rifles ynnin ka sngi ha Tinsukia, Assam.

Hadien ini i yasiat da kem ya ka suloi wa chna ha China, ki SIM Card wa ki kattu katni ki kot ki sla deilang waka poisa.

Da ong wa uni u heh ka NSCN-KYA da emkti u hei wow lute poisa ha Ledo, Bargolai, Lekhapani, Bomgarha, Tipong Lalpahar, Paharpur wa kiwi kiwi.

Ya uni u da e kti noh cha ki pulit ka Lekhapani Police Station da ki Assam Rifles.

Hadien ini ki Assam Rifles da pynjoor ki yei kynreh ya ki dkhot ka NSCN-KYA ha Longding, Tirap wa ka thaaiñ Changlang ka jylla Arunachal Pradesh.