U Arnab Goswami ynne ka sngi da chah kem u heiyatoh wa chah pynbaad u wa emkti u hawa pynkut u Interior Designer uwa chna yaka Studio ka Republic TV yei mynsien yong oo neidaw wa kam ka kurim u wa ym em su yaka bai rkreh yong oo.
Ini toh iwa jia ha u snem 2018 heiwa u Anvay Naik (58 snem) waka bei u da pynkut ki yei mynsien yong ki heiwa ka kurim u Naik da pynbaad ko ya u Arnab wa da pynkut u kurim ko yei mynsien neidaw wym em su u Arnab yaka bai kreh u kurim ko kawa da poi T. 5.40 klur iwa u Arnab da kyntait u ya ini.
Ka bei u Naik da pynkut ko yei mynsien ko hadien wa tip ko wa yap u khon ko.
Hawa chem yei metyap u Naik waka bei u ha yung ki wa em ha Alibaug, Maharashtra, ka kurim u Naik da ong ko wa u kurim ko da ieh u yaka chithi (Suicide Note) kawa pynbaad ya u Goswami neidaw wa yap u.
Ka kurim u da pteiñ ko wow dawa yow yoh yaka takit kawa paka hadooh wa u Maharashtra Home Minister u Anil Deshmukh ini wa dep da phah takit biang u ya kani ka kaam.
Ki pulit da kem ki ya u Goswami na yung yong oo na Mumbai ynne ka sngi.
U Home Minister u Anil Deshmukh da ong u wa ym em uwon uwon wa em cha baar ka aiñ wei ki pulit leh daw leh ki katkam ka aiñ.
