Chah kem u chrieh uwa da pynkulmar ya ka chnong Tura la chi tayaaw

Ynne ka sngi da yoh wow kem ya uwi u chrieh da ka Forest Department hadien kamwa chi tayaaw wa pyndik wa pyntieñ wei dait u ya ki paidbah hadooh wa da kulmar waroh kawi ka chnong Tura.

U Dr. Daoharu Bora na ka Wildlife Trust of India da wan yarap u ya ka chnat heiwa ki bru na ka Manas National Park da wan ki ynnin wow kem ya uni u chrieh.

Ya uni u chrieh da siat da i dawai pynyoh thiah namo i Tranquilliser hei step ha Nakham Bazar, Tura wei da rah ya oo cha Mini Zoo, Nehru Park heiwa ki Doctor na Veterinary da sylli ki ya i man i long uni u chrieh heiwa da chem wa man uwa chait wa khlan.

Uni u chrieh da dait u ya ki paidbah ha Tura Bazar la kattu katni sngi kamtæ da emkaam wow kem noh ya oo.