Chah kem u DSP ka Assam hadien wa slaitbor wei pynchitom u ya kawa dang 15 snem

U heh pulit wa man kam u Deputy Superintendent of Police (DSP) uwa em ha Police Training College, Dergaon, Assam da chah kem u hadien wa slaitbor wei pynchitom u ya ka khynnah wa 15 snem kawa chong kreh ha yung u.

Uni u DSP wa tip kam u Kiran Nath da chah kem u ynnin wei da pynngat ya oo hapoh ka Section 376, 506 ka Indian Penal Code (IPC) wa Section 6 ka Protection of Children from Sexual Offences Act (POCSO), 2012.

Kani ka khynnah da ong ko wa u Nath jooh pynchitom wei jooh kset u ka ha yung u wei slaitbor u ka dei langær.

Related posts

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Neiliang kiwa ha-yung kani ka khynnah da ujor ki ha i miet ka 16 tarik uni u bnai ha Dergaon Police Station, Golaghat District.

U Director General of Police (DGP), Assam, u Gyanendra Pratap Singh da pyntikna u yeini deiwa ong leh wa ym maap ya ki pulit kiwa leh ya kam kini ki kaam.