Jowai : Uwi u bru wa tip pyrtuid kam u Samuel Susngi uwa na ka chnong Nangbah wei kreh u leh kam u Home Guard da thok u ki ki bru ka chnong Moopliang deiwa wan u cha yung yong ki kam uwa chna ya ki Gas Stove wei chim poisa u T. 500 chi yung.
Uni u bru heipor wa psiah u cha yung ki bru da rah u da ka chithi Temporary Posting Order (Chithi thung kreh wa chi por) wa yoh u na u Commandant ka Home Guard heiwa ha kani ka chithi da thoh wa uni u bru u kreh u chibet chipor ha ka tnat Forest tangwa neidaw wa ki bru wa chim kabu u ym tip ki u puræ pharæng da kam u wa kani ka chithi toh wa da e bor ya oo wow chna u ya ki gas wei haap su ki ya oo T. 500 wei lada ym su daw chah kem ki.
Katkam i yutip wa yoh na ki pulit da ong wa ha iwi i yung da maham u ya kawi ka kong hadien wa ong ko wa ym em poisa u su ya oo wei da phah li chim ram u ka na kiwa jan yung ko yow su ya oo.
Kamni da leh u kamwa 7 tylli ki yung wei hadien wa psiah u ha i yung ka diah u secretary chnong, ka da pyntip ko cha kiwa pait chnong kiwa phone cha ki pulit chaphang ini wei ki pulit da pynche ki wa ym em wa e hukum wow chna gas ya ki Home Guard, kamtæ da kem noh ki tre chnong ya oo wei da e kti ya oo cha ki pulit.
Uni u bru leh da chim u ya ki phone number ki paidbah wei da kular u leh wa daw em wa phone ya ki ya ki prize wa boon jait wa daw jop ki.
Da kem ya uni u bru ynnin heipor kamwa 4:30 i janmiet wei ynne ka sngi da li yah ya oo ha khmat u Magistrate ha Jowai.
Discussion about this post