U khynnah wa dang 13 snem da chah kem u hadien wa phah Email u wa booh Bomb ha ka lieñsuiñ wa mih na Dubai yow lai cha Delhi heiwa da phla u hakhmat ki pulit ka Delhi wa da leh u yeini toh du wow lehke wei wow danda donhi.
Uni u khynnah da ong u wa da leh u yeini hadien wa yoo khubor wa uwi u khynnah da leh u ya iwa sariem kamni deiwa Phone.
Ini da jia i ha ka 17 tarik heiwa da yoh Email wa daw em Bomb ha ka lieñsuiñ wow wan cha Delhi na Dubai ha ka 18 tarik uni u bnai wei hadien wa leh yeiwa emkaam da chem wa ini toh em wa leh kyndeh donhi.
Ya kani ka Email-ID da chemdien wa wan ko na Pithoragarh wa em ha Uttaranchal, wei da pyndam (Delete) ya kani ka Email-ID mar ya dep u phah ya ka Email.
Ki pulit da kem ki ya uni u khynnah uwa da pynemkam ya ka Mobile Phone wa e ka bei u pa u neibynta ka puræ puthi wei da phah u leh ya ka Email na kani ka Phone.
Ini i chah thok wa booh Bomb ha ki lieñsuiñ kamjooh ha ki Hospital hadooh ki yung bichaar da ku bha ki ha kini ki sngi heiwa ha ka 18 tarik da em 41 tylli ki Airport kiwa yoh Email wa em wa booh Bomb wa kynthup ha Jaipur, Chennai wa Varanasi.
Ynnin i step, ka lieñsuiñ Air Arabia kawa toh u mih yow lai Sharjah na Calicut International Airport da hap wow pynsangeh ka hadien wa em biang wa leh kyndeh wa ong wa em Bomb.
Ha ka tayaaw wa dep, 60 tylli ki Hospital wa em ha Mumbai da yoh Email thok ki wa em wa Bomb.
Neiliang ka Bureau of Civil Aviation Security (BCAS) da ong ko neidaw wa ini i leh kyndeh ki bru da pynthut bha i yei lai i wan ki bru, kitu kiwa emkti toh u khang noh u chong lieñsuiñ ki da san snem.
Discussion about this post