Uwi u Police Inspector da chah kem u ha kiwa kreh ka Lokayukta heipor wa baam poisa u Rs 4 lak na u hehspah khnang wow pyndam u yei pyrtuid u (hehspah) na kawi ka case.
Ya uni u Inspector da tip kam u Govindaraju, na K.P. Agrahara Police Station ka sorbah Bengaluru.
Da kem ya u Govindaraju hadien wa ujor kawi ka bru ha K.P. Agrahara Police Station ha u 2025 heiyatoh wa ka case chit fund.
Uni u Inspector da maham u ya u hehspah wa tip kam u Mohammed Akbar deiwa ong wow pyndam yei pyrtuid u na ka case deiwa su Rs 5 lak heiwa dadep su chwa (Advance) Rs 1 lak.
Ha ka 29 tarik uni u bnai uni u Inspector toh u chim u sa Rs 4 lak ha CAR Ground hajan ka Sirsi Circle u sarok Mysuru tangwa kiwa kreh ka Lokayukta da kem ki oo heipor wa chim u ya kani ka poisa.
Ya ini i kem da yahkhmat da u Lokayukta Superintendent of Police, u Shivaprakash Devaraj wei i takit da sdang i pyrchah ya uni u sahep pulit.
I video heipor wa chah kem uni u Inspector da poor bha i katni ha Social Media.
Ki Sahep ka Lokayukta da ong ki wa da dawa poisa uni u pulit lyngba ka WhatsApp Call cha u Mohammed Akbar, kamtæ u Akbar da record u yei yaklam wa uni u pulit lyngba ka mobile ka kurim u wei da ekti u yeini cha ka Lokayukta kam ka sabut.
Discussion about this post