Chah kem u President wa u Secretary ka seiñ Niaw Wasa Youth Federation

Jowai : Katkam ka khubor wa da yoh na ki pulit da pyntip wa da kem ki ya ar ngut ki heh ka seiñbhalang Niaw Wasa Youth Federation (NWYF). Kini ki ar ngut kynthup ki ya u President, u Palmon Sari wa u Secretary, u Pynbiang Rymbai.

Da kem ya ki hadien wa da yoh ujor na uwi u bru uwa da tip pyrtuid u Constantine Thubru na ka chnong Namdong heiwa da ong u wa ha ka miet 14 tarik kamwa 9 waje i miet da lai e chna u ka ka kari yong oo ha Lad Mukhla. Heitæ i por da wan kini ki ar ngut wa ki lok yong ki wei da dawa poisa ki na oo hadooh T. 7,000 wei maham pynyap ki oo. Uni u bru da ong u ya ki wym em poisa u tæ kini ki ar ngut wa ki lok yong ki da dat da bom ki oo hadooh wa mynsoo u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Thubru da lai u cha Ummulong Beat House heiwa da ujor u yeini wei hadien ini ki pulit da lai li kem ki ya kini ki dkhot ka NWYF na Lad Mukhla heipor 1:00 waje i step ynne ka sngi.

Da pyngngat ya kini ki ar ngut ha ki kyndon 301/307/384/325/506/34 yong ka IPC. Ka yung kasari ynne da phah kset Judicial Custody ko ya ki hadooh 14 sngi.

Katkam wa man kattæ ki pulit dang thooh ki ya kini kiwi kiwa emkti heini i kaam.