Chah kem u tre ka University of Science & Technology Meghalaya ha ki pulit ka Assam

U Mahbubul Hoque, u tre kamjooh u Chancellor ka University of Science and Technology Meghalaya (USTM) kawa man ka skurbah ki bru samen wa em ha happood ka Assam wa Meghalaya, hadien wa da chah kynthah u boonsien ha u Chief Minister ka Assam, u Himanta Biswa Sarma deiwa pynemkaam da ki kyntien kam ka ‘Flood Jihad’, da chah kem u ha ki pulit ka Assam na yung wa sah u ha Guwahati ynne i step synyaaw heipor kamwa 1:00 waje haroh.

Ki heh pulit na Assam da pyntip ki wa da chah kem u Hoque heiyatoh wa kawi ka Case wa da Register ha Sribhumi District ha ka 21 tarik uni u bnai.

Ini toh yeiwa da jia ha kawi ka Central Public School (Kendriya Vidyalaya) wa em ha thaaiñ Patharkandi ka Sribhumi heipor wa pynman ya ka Subject Physics ka Exam Class XII ka CBSE ha ka 21 tarik.

Katkam wa pyntip ki pulit ka Sribhumi, da em kawi ka skur kawa pynlai da ka Education and Research Development (ERD) Foundation kawa sdang da u Hoque wei na ki 274 ngut ki khynnah wa yaleh Exam, 214 ngut toh kiwa lai leh Coaching hapoh ka Vision 50, kawa man ka Coaching Programme wa pynlai da ka USTM. Kini ki khynnah da sdang ki wow pynkulmar hadien wa da kular ya ki wa deiwa em ki hapoh ka Vision 50 daw yoh yarap ki leh na kiwa pait namo ki Invigilator ka Exam neidaw wa dadep su ya ki tangwa ym em jia ini.

Related posts

Ki kyndon neibynta ka sngi niaw Vote ka Election MDC ha Khliehriat

February 22, 2025

Ha Sumer wa boon dooh mih kiwa thap Vote, duna dooh ha Jowai North

February 22, 2025

Kamwa man kattæ ki pulit da ong ki wa kani da yoo wa kamwa da em boon ngut kiwa emkti dei thmu wow leh ki kaam thok.

Ini i chah kem u Hoque da wan i leh hadien wa u CM ka Assam da pynbaad u wa ka USTM e ko da ki Certificate thok hadooh wow dai ya ki PhD.

Ha u Naisaphra ynnin u snem, u Himanta da pynbaad u wa i chlai um cha Assam toh neidaw i kreh yow chna ya ka USTM ha Ri-Bhoi heiwa da ah ya u loom yow pynheh ya kani ka thaw puræ.

Hadien ini da beiñ u leh ya ka Gate ka USTM deiwa ong wa da yoo lakam wa lai cha ‘Mecca’ deiwa ong leh wa toh u em ka Namghar namo ka thaw duwai Blai iwa man kam ka rukom wa chna ha Assam deilang leh ka thaw mane ki Christan tangwa heini da leh la kam ka ‘Meeca’.

Da ong u leh wa kini da leh ki da ka Jihaador Baap (Father of Jihad) kiwa da kwah wow pynsih ya ka puræ puthi wei kiwon kiwon kiwa wan wow hiar thma ya ka dustur riti u khut ya ki kam ki Jihad.