Uwi u khynroo wa chna Video ha YouTube da chah kem u hadien wa ki Video u toh kiwa booh hei maa ya kiwa lai wa wan da ka rel neibhah uni ha ki luti rel da booh u da ki moo khian, ki moo Block, ka tadong Gas wa khian, ka Cycle hadooh da kawi ka syiar.
Uni u bru wa tip kam u Gulzar Sheikh da sdang wow chemdien oo deiwa em ki bru wa da khana ha ki rynsan Social Media wa uni toh uwa na ka chnong Lalgopalganj, UP iwa da pynman ya ki heh ka Indian Railways wa ki pulit wow li thooh yow kem oo.
Ki paidbah wa yoo ya kini ki kaam wa leh uni u Gulzar da dawa ki wow kem oo neibhah ini wa leh u toh iwa daw ktah ya ka ri waroh kawi manda em i jia wa sñiawsih.
Ya u Gulzar da kem deiwa pynngat hapoh kiwa boon ki kyndon ka Bharatiya Nyaya Sanhita, 2023, ka Railway Property (Unlawful Possession) Act, 1966 waka IT Act, 2000.
Ha u YouTube Channel uni da em u 243 tylli ki Video heiwa da em u palat 2,35,000 ngut ki Subscriber wei da dep yoh u 137 Million View wei da sdang u ya uni u Channel dang ha uni u snem.
Kiwi ki Social Media Account u da dep Delete u ki wei ki Video ha YouTube leh kamjooh da dep Delete noh u hadien wa tip u wa da em kiwa ujor pyrchah ya oo.
Discussion about this post