Jowai : Ki volunteer wa uiñ chnong ka Dulong ynnin i meit da kem ki ya uwa dai kiad be-aiñ na ka kyntoit Loomsuwe deiwa yakrehlang wa kiwi ki dkhot ka chnong kiwa yoh kem ya oo.
Heini i kem kiad da yoh 113 tylli ki klong kiad Quarter kiwa boon jait, 12 tylli ki klong Full, 11 tylli ki klong Beer wei waroh da poi kamwa T. 47 hajar i dor.
Ha kani ka miet leh da yoh kem ya u Bhang wa em 790 gm i khai wei neiliang ka chnong da leh yeini yow pyndooh noh ya ini i jait sih napoh ka chnong iwa ktah yei miat i bha wa i chongsuk chongsain ka chnong.
Ya uwa chah kem da tip kam u Chamly Laloo uwa ong wa oo kreh u kam u mistri wei da dai kiad u kattu la ar snem wei dai u leh du cha kiwa kreh lang wa oo katwa ya u Bhang won ym toh u wow dai u toh uwa pynemkam samen u.
Da ekti ya oo cha ki pulit pyn ha kani ka miet wei da pynngat ya u Chamly hapoh ka aiñ Narcotic Drugs and Psychotropic Substances Act, 1985 hapoh ki kyndon 21(s) kamjooh wa ka Meghalaya Excise Act Section 53(1)(a).
Discussion about this post