Chah kem uwa jooh yakreh wa u SP warim ka JH, uwa thok u e khih pulit

Jowai : Ynne ka sngi da yoh kem ya uwi u bru uwa na ka chnong Nongkynrih ka wa em ha Laskeiñ Block uwa kular pynyoh kreh pulit ya ki bru.

Uni u bru da tip pyrtuid kam u Wailutki Suchiang uwa paan T. 1 Lak yow pynyoh kreh pulit (UB) wei da kam u leh wa da dep pynyoh kam SP u ya u wi u bru na Mowkaiaw uwa dep e T. 10 Lak ya oo.

U Thermonki Susngi Vice President ka HNYF- West Jaiñtia Zone da ong u wa em uwi u lok u uwa khana ya oo yeini, kamtæ u Thermonki da phone u ya u Wailutki ynne i step wei paan u T. 1 Lak na oo yow pynyohkreh ya ka diah u kawa dang yaleh kreh Pulit (UB) katni.

Kini ki arngut da yachem ki ynne ka sngi ha Jowai wei ka seiñ da kem ki oo wei da rah ya oo cha ka Jowai Police Station.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katkam i ong u Thermonki da pyntip u wa u Wailutki da paan u leh T. 30,000 ka advance tangwa lada e ki T. 100,000 daw pynmih yei pyrtuid yong ki hei nyngkong dooh manda pynbna result kamjooh leh da kaam u wa da dep pynyoh kreh pulit u leh ya soo ngut ki bru.

Heipor wa takit ki pulit, u Wailutki ong u wa jooh kreh lang u wa u O. Pasi u SP warim ka Jaiñtia Hills wei u yah u ki kiwa thooh kreh cha oo.

Hadien won kylla ktien won u deiwa ong u wa u ma Pasi wa u pa u, u Bal Dkhar toh kiwa yajan bha wei ym jooh em chim poisa u neiwon neiwon wei ynne ka sngi toh ka sien nynkong wa leh u kamni wei leh u yeini samen samen. Katwa ya ka poisa won lada chim u daw su biang u ka manda dep u seiñ khih.

Ka takit dang lai ko cha khmat.

Also Read: Chah kem uwa thok u yarap yoh kreh sorkar