Ki pulit ka East Khasi Hills da kem ki ya u bru wa ku ha Stage ka Cherry Blossom Festival ha uni u snem heipor wa rwai u Tyga wei uni u bru chwa wow leh yeini da kob u ha ki rynsan Social Media wa daw leh u kamni.
Uni u bru hadien wa ku u ha Stage da kob biang u ha ki rynsan Social Media wa leh u yeini wei ki pulit leh da yoo ki yeini heiwa ynnin ka sngi da lai kem noh ki oo.
Kam wow pynkynmoo wa heipor wa ku uni u bru ha Stage, da wan ki bru (Security) wow kdong oo tangwa uwi na ki da tlær wei da toh ngiat u ya ki kjat u Tyga uwa da pat ha Stage.
Ki pulit da ong ki wa uni u jooh u bru heipor wa wan rwai u Ed Sheeran ha Shillong leh da psiah u chapoh deiwa riam kam u Security Guard wei da lai u leh cha Mumbai yow leh yei jooh heipor wa man Concert ki Coldplay.
Ki pulit da ong ki wa uni u bru ha u 2024 leh da psiah tooh u chapoh ka Cherry Blossom na i bynta wym em da kær bha.
Da suk leh wow pynsakhiat ya ini waroh neidaw wa uni u bru pynyoo u ha ki Social Media u yeini wa leh u. Uni u bru toh uwa na Kamrup, Assam tangwa sah u ha Nongshilliang, Shillong wei da chah pynngat u ha ki kyndon wa pynmaa yei mynsien bru, i pyntieñ bru wei psiah pyrchah aiñ.
Da kem ya uni u bru hadien wa em wa booh FIR da ki Security Team ka Cherry Blossom Festival 2025.
Discussion about this post