Chah kem uwa kyrchaan warim u Paul Lyngdoh hei yatoh wa i pakhot petrol bomb

Shillong: Ki pulit ka Lumdiengjri PS ynne ka sngi da kem noh ki ya u Michael Pakyntein hei yatoh wa i chah pakhot petrol bomb ka yung sah u MLA ka Shillong West, u Paul Lyngdoh.

Hawa yaklam wa kiwa pathai khubor u Superintendent of Police ka East Khasi Hills, u Davis N R Marak da khana u wa ya u Michael da kem hadien wa ujor ejahar u Paul uwa da pynbaad wa emkti u ha ini i kaam.

U Marak da pyntip u wa ki pulit da phah wan mih ki ya u Michael cha tnanat Lumdiengjri wei da kem noh ya oo wei ynne ka sngi da yah ya oo cha yung kasari heiwa da paan por wow takit ya oo.

U Michael toh uwi na kiwa kyrchaan warim yong u Paul Lyngdoh wei katni da lai kyrchaan noh u ya u Mahendro Rapsang, u kyrtong ka Congress wa yakhun pyrchah ya u MLA.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U Marak da ong u wa kini kiwa jia ha Mawprem em yatoh bait ki wa ki kaam saiñ pyrthai wei ki pulit da paitsiar ki wow pynyait ya ki kaam wa ye u jia.

Heijooh i por da khana u wa ki pulit dang takit ki yeiwa chah tympiah ki CCTV ha ka yung krehkaam ka Congress ha Jaiaw Langsning.

“Da chim lut i ya ki CCTV kiwa em ha yung krehkaam ka Congress kiwa da chah tympiah neibhah wa man ki kam ki sabut wei ynne ki pulit da lai ki cha kani ka yung wow takit tangwa kani ka yung man ko kawa khang” da ong u Marak.