Ynne hadien wa da tip tikna ki pulit wa em uwi u bru wa khayi drugs uwa pyrtuid u Sorif Uddin uwa daw wan deilang wa i drugs na Kalain cha Khliehriat, kamtæ ki pulit ANTF ka East Jaiñtia Hills wa ki pulit ka Lumshnong PS da sdang kynreh kari ki ha Lumshnong PS.
Hawa kynreh ya uni u bru da chem 6 tylli ki khieh sabon na oo kiwa em i lakhit drugs Heroin wa khia 63.12 gm.
Heiyatoh wa ini da Register ya ka Case ha Lumshnong Police Station wei i takit dang lai i chaphrang yow chem ya kiwi de kiwa emkti.
