U bru wa 35 snem i rta da chah kem u ha ki pulit ka Maharashtra na Nagpur yeiwa phah u 30 tylli ki email pyntieñ booh boom ha kiwa boon tylli ki lieñsuiñ wei kamjooh cha ki kattu katni ki Montri sorkar.
Uni u bru toh uwa tip kam u Shriram Uikey wei nadooh ka 25 hadooh ka 30 tarik u Naichiphaw uni u snem da phah u ya kini ki email wei da yoh wow kem ya oo ynnin ka sngi.
U Uikey da phah email maham u leh cha u Montri ka sorkar pyrdi, u Ashwini Vaishnaw wa cha u Symbood Montri Rangbah ka Maharashtra, u Devendra Fadnavis wa kiwi de.
Kam wow pynkynmoo wa ha ki ar tayaaw wa dep, da em 500 tylli ki lieñsuiñ wa hær hapoh India kamjooh kiwa hær cha baar ri kiwa da chah pynthut neidaw wa em kini kiwa pyntieñ booh Bomb kiwa da chem hadien toh kiwa thok chukor donhi.
Kiwa boon kini ki pyntieñ booh Bomb toh kiwa poi lyngba ki Social Media.
Hei takit ki pulit da chem wa ha ka 21 tarik, u Uikey da phah email u yow maham ya u Montri ka chnat Railway, u Ashwini Vaishnaw, u Symbood Montri Rangbah ka Maharashtra, u Devendra Fadnavis, cha u Director-General ka Railway Protection Force (DGRPF) wa kiwi de.
U Uikey da dawa u wow yachem wa u Fadnavis, deiwa kam wa ye u wow khana chaphang kiwa em wa mut wow booh Bomb. Ha ki email, u Uikey da ong u wa da em ki Terrorist kiwa da mang ya 6 tylli ki Airport wei daw em 31 tylli ki lieñsuiñ kiwa daw chah rahbor (Hijack) ki.
Ha iwon wa jia, ki pulit ka Kerala leh da kem ki ya uwi u bru uwa pyntieñ booh Bomb ha ka lieñsuiñ kawa mut wow lai cha Abu Dhabi na Karipur International Airport.
Uni toh uwa da tip kam u Mohammed Ijas (26 snem) uwa na Palakkad District ka Kerala wei da pynngat ya oo hapoh ka aiñ Civil Aviation Act, ka Bharatiya Nyay Sanhita (BNS) waka Kerala Police Act.
Discussion about this post