Uwi u khynroo wa lai puræ ha IIT Guwahati uwa tip kam u Tauseef Ali Farooqui da chah kem u ynnin i janmiet hadien wa pynsñiaw u yei kyrchaan yaka ISIS wei daw lai psiah u leh chapoh kani ka seiñ wei da chem leh ya kawi ka lama rong yong kawa sariem waka lama ka ISIS napoh ka kamra Hostel wa sah u ha Hajo iwa em hajan Guwahati.
Ya uni da kem soo sngi hadien wa u heh ka ISIS India, u Haris Farooqi uwa tip leh kam u Harish Ajmal Farukhi deilang wa sa uwi uwa tip kam u Anurag Singh uwa khut siñ u Rehan da yoh u ksoh ki na Dhubri District hadien wa psiah ki cha India lyngba ka Bangladesh.
Uni uwa lai puræ ha IIT-Guwahati toh uwa na Okhla, Delhi uwa katni wa em ha ka snem wa soo i lai puræ Biotechnology wei da booh u leh yaka chithi wa thoh u hapoh ka rynsan Social Media ka LinkedIn deiwa khana yei daw wa leh u yeini deiwa ong wa hap u wow yalait noh waka India kamjooh ka riti synchaar ko deiwa kyruiñ wei pyndem hakhmat u Allah.
Mar ya tip yeini, ki pulit da thooh ki ya uni u bru heiwa da chem ya oo na Hajo iwa jngai kamwa 30 Km na Guwahati deiwa yarap ki paidbah heiwa nynkong da lai kylli na ka thaw puræ u kiwa pyntip wym em de yoo ki oo wei da wiar u leh nadooh i por chiteiñ sngi wei ka Phone u leh man ko kawa da tympleh.
Discussion about this post