Heiyatoh wa i tympdung Bomb ha Rameshwaram Café, Bengaluru, neiliang ka National Investigation Agency (NIA) da em ko ya uwi na kiwa sooh buit uwa tip kam u, Muzammil Shareef uwa da pyndap pynbiang yow chna Bomb IED ki ar ngut kiwa da tip wa emkti ha ini i kaam.
Ki ar ngut kiwa da tipmit chwa wa emkti toh u Mussavir Shazeeb Hussain uwa lai booh ya u Bomb katwa uwi won toh u Abdul Matheen Taha uwa man kam uwa sooh buit lang wei kini toh kiwa da thooh chwa ka NIA heiyatoh wa kiwi ki kaam wei da yut u na ka aiñ la soo snem kattu.
Hadooh kattæ, u Muzzamil Shareef toh uwa nyngkong dooh wa yoh kem heiyatoh wa ini i kaam, uwa na chnong Chikkamagluru wei uni toh uwa jooh kreh ha Bengaluru ha Basaveshwara Nagar. Ya u Shareef da kem haka 27 tarik kam uwi na kiwa emkti wow sooh buit wei da lai kynreh yei yung u heiwa ka NIA da chem ko leh ki sabut.
U Shareef toh uwa da suba leh wa emkti ha kiwi ki kaam pyrchah aiñ ha Karnataka nadooh u snem 2020 wei da suba leh toh uwa emyatoh waka Islamic State.
Ka NIA da dep lai kynreh ko ha 18 tylli ki thaw kiwa kynthup ha 12 tylli ha Karnataka, 5 tylli ha Tamil Nadu wa iwi i thaw ha Uttar Pradesh chwa wow lai kem oo. Da yooluti ki leh wa deiwa takit ya uni daw ye u chem ya uwa lai booh ya uni u Bomb.
Kam wow pynkynmoo wa ka NIA da chimkti ko ya ini i takit nadooh ka 3 tarik uni u bnai hadien wa pdung Bomb ha ka 1 tarik heiwa da em boon kiwa mynsoo wei da chah ktah kani ka Café kawa da ye u wai biang katni.
Puræ leh: Rs. 10 lak tyrwa ka NIA cha kiwon kiwon kiwa tip chaphang uwa tympdung Bomb hapoh Cafe
Discussion about this post