Chah kem uwa pynpoi suloi cha Manipur lyngba ka Myanmar wa Bangladesh

Ka National Investigation Agency (NIA) deilang wa ki pulit ka Manipur ynne da yoh ki wow kem ya u Seiminlun Gangte heiyatoh wa i sooh buit wa ki heh ki seiñ kieñ suloi wa em ha Myanmar waka Bangladesh yow yaleh thma waka sorkar India deiwa chim kabu yei kynaad wa da jia katni hapoh ka jylla Manipur.

Ya uni da kem na Churanchanpur District ka Manipur.

Ya kani ka Case kawa da leh hi (Suo Moto) da ka NIA wei da Register ha New Delhi ha ka 19-07-23.

Hei takit ka NIA da chem wa ki seiñ kieñ suloi wa em ha Myanmar wa Bangladesh da ya sooh buit ki wa ki seiñ kieñ suloi wa em ha India yow leh ya ki kaam wow pynmynsoo mynsnaam yow wanrah chooh chooh yei sñiawphær jaitbru wei wow pynman thma pyrchah ya ka sorkar India.

Yow ye u leh yeini kini kiwa yakhmat kini ki seiñ kieñ suloi da pyndap poisa ki yow thied suloi wa ki kuli wa kiwi de ki tiar yaleh kiwa da wanrah na chiliang pood kamjooh na kiwi ki seiñ kieñ suloi kiwa em ha ka thaaiñ North East ka India yow e diñ chooh chooh yeiwa da jia ha Manipur.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Ya uni uwa chah kem da wanrah cha New Delhi wei daw li rah hakhmat ka Jurisdictional Court.

Ka takit dang lai ko chakhmat.