Jowai : Ki pulit ka Jowai Police Station ynne i miet heipor kamwa 7:30 da kem ki ya uwi u bru najan ka Thaw Thang Sati ka kur Dkhar kawa em mar pyrchah ka JHADC.
Ya uni u bru da tip kam u Romeo Synrem yow wa da tip pyrtuid sin kam u Meme uwa chong wa sah ha Khimmusniang.
Ya uni u bru da ksoh harood sarok ha chwa u poi ka Office u DC wei da yah u ya ka kari kamai Taxi wa em u No. ML 04 A 0931. Na oo da yoh ki pulit ya i drugs Heroin.
Ya ini i drugs da song ha ka dabi golden, ki tadong let ( lead vile) wa uwi u thyrnia (syringe) yow wa da song ha ka tana (that rumal).
Hadien wa da ksoh ya uni u bru i drugs wa yoh na oo da em i kamwa 4 gram.
Da ong leh wa heipor wa kem ya u Romeo da yoh laad u wow pakhot kattu katni na ini i drugs cha madan wei heipor wa ksoh ki pulit ya oo da yakhun u heiwa uwi u pulit da chah dung u da u thyrnia wa dang ksoh u Romeo ha kti uwa pyrchang u wow noh.
Ki pulit da chem ki leh napoh taxi ya ki kot ki sla hei pyrtuid u ma D. Wann na ka chnong Changpung.
Hei yaklam wa u Romeo da ong u wa ini i drugs toh neibynta wow pynemkaam u ya oo hi wei ymtoh wa dai u ki.
Ki pulit da ong ki wa uni u bru dang yang u ya kiwa wan thied drugs na oo heipor wa ksoh ki ya oo neibhah wa da song u ki jar jiar kamwa jooh chem ki ya kiwa dai dei langær.
Ya u Romeo da pynngat hapoh ka kyndon aiñ Section 27 ka NDPS Act.
Discussion about this post