Ynne i step heipor kamwa 2:30 kawi ka Truck wa em u Number TR-01AG-1689 ka yong ka FCI Anup Trade kawa kit khoo wei ya kawa da pynyieñ hajan FCI, Khliehtyrchi, Ummulong da chah rahbor (Hijacked) ko wa uwa yah hapoh yong kani ka Truck.
Mar tip yeini ki pulit na Jowai Police Station da lai ki wut-wut cha ini i thaw wow leh ya i takit wei da thooh leh ya kani ka Truck ha Jowai Bypass wei da pyntip leh yeini ha kiwa kreh ka Weighbridge, Khliehtyrchi wow ksoh ya kani ka Truck.
Ya kani ka Truck da ksoh da kiwa kreh ka Weighbridge wei da em ar ngut hapoh yong ka heiwa uwi na ki da yoh u wow yut na ini i thaw.
Manda kynreh ya ka Truck da chem wa u khoo biang u katwa uwa yah yong ka, u Alok Das uwa na Patarkhandi, Karimganj da chem wa da chah tynyap u wei da noh ya i metyap yong oo na iwi i synrang ha Riaturiem.
Da chem wa uni uwa chah kem toh uwa da tyngkheiñ aiñ langær wei dang thooh sa ya uwi tawon u lok u uwa da yut.
Katkam ka yutip wa da yoh da ong wa kini ki damok wa emkti ha ini i kaam tooh kiwa napoh ka District hi wei dang thooh ya uwi tawon uwa da yut.
